Produktong muwebles sumigla sa tulong ng FPRDI

 

Sa kabila ng paghina ng ekonomiya, mapalad pa rin si Roberto S. Pajermo ng Larena, Siquijor. Nakakagawa siya ng mga novelty items gamit ang mga retasong kahoy sa kanyang maliit na pagawaan ng muwebles.

 

Sa tulong ng Forest Products Research and Development Institute o FPRDI, natutong gumawa si Pajermo ng magagarang wine rack, knife holder at picture frame mula sa mga reta-retasong kahoy na karaniwang ipinanggagatong na lamang niya. Dahil dito, kumikita siya ngayon ng karagdagang 15,000-20,000 piso bawat buwan.

Continue reading “Produktong muwebles sumigla sa tulong ng FPRDI”

Panatilihin ang tamang paglaki ng mga Bata

Panatilihin ang tamang paglaki ng mga Bata

Ang Gabay sa Wastong Nutrisyon para sa Pili­pino o Nutritional Guidelines for Filipinos na binalangkas sa pamumuno ng Food and Nutri­tion Research Institute ng Department of Sci­ence and Technology (FNRI-DOST) ay binubuo ng sampung pangunahing rekomendasyon na naglalayong itaguyod ang mabuting nutrisyon ng mga Pilipino.

 

Isa sa mga gabay ay nagsasaad na “Pa­natilihin ang tamang paglaki ng bata sa pa­mamagitan ng palagiang pagsubaybay sa kan­yang timbang”. Ipinapayo nito ay ang wastong pagpapakain ng mga bata kabilang dito ang mga batang 1-6 na taong gulang, 7-12 taong gulang, at maging mga binatilyo at dalagita.

Continue reading “Panatilihin ang tamang paglaki ng mga Bata”

Negosyante, naka-jackpot sa FPRDI lumber dryer

Negosyante, naka-jackpot sa FPRDI lumber dryer

Isang teknolohiya ng Forest Products Research and Development Institute (FPRDI) ang nakapagpabago sa buhay ng isang negosyante sa Tacurong City, Sultan Kudarat. Ayon kay Ramon B. Tan, para siyang nanalo sa lotto nang magkaroon siya ng isang furnace-type lumber dryer o FTLD sa kanyang maliit na sawmill.

Dati-rati, sa ilalim lamang ng araw pinapatuyo ni Tan ang mga kahoy ng gmelina at mahogany na kanyang pinoproseso. Nang makapagpatayo siya ng FTLD noong 2005, umiksi ang pagtutuyo ng tinistis na kahoy mula 35 hanggang 7 araw bawa’t bunton; lumago ang kanyang produksyon kada taon mula 36,000 hanggang 300,000 board feet; tumaas ang empleo mula 144 hanggang 988 man-months; at lumobo ang kanyang neto mula P600,000 hanggang 6 na milyong piso bawa’t taon.

Continue reading “Negosyante, naka-jackpot sa FPRDI lumber dryer”

Masustansyang palaman mula sa soybeans

Masustansyang palaman mula sa soybeans

Mahilig ka ba sa peanut butter? Alam mo ba na may masustansyang alternatibo na kasing sarap nito?

Ang Food and Nutrition Research Institute ng Department of Science and Technology (FNRI-DOST) ay gumawa ng Soy-Peanut Spread, isang masustansiya at malusog na alternatibo sa peanut butter.

Ito ay gawa sa soybeans na inihalo sa peanut butter. Ang soybean ay mayaman sa sangkap na isoflavone. Ang isoflavone ay nakatutulong sa pag-iwas sa pagkasira ng cells sa katawan at pag-iwas sa kanser at mga sakit sa ugat.

Ang protina na nakukuha sa soybean ay maganda sa katawan dahil ito ay nakabababa ng kolesterol sa dugo. Pinapababa din ng protina mula sa soybean ang low-density lipoproteins (LDL) o ang tinatawag na bad cholesterol at triglycerides na sanhi ng pagbabara ng mga ugat.

Continue reading “Masustansyang palaman mula sa soybeans”