Archive for the ‘FILIPINO SCIENTIST, FILIPINO INVENTOR’ Category

Ladrilyo: Matibay na halimbawa mula DOST TECHNICOM

Thursday, February 5th, 2015





Mula sa mga putik na naipon sa tabing-ilog o sa mga kanal ng mga patubigan ay makagagawa tayo ng produktong kapaki-pakinabang – ang ladrilyo o “bricks”!

Sa mahigit na tatlong dekada, si G. Emmanuel Alkuino ng SIDLAKPINOY (ang “sidlak” mula sa salitang Bisaya na ang ibig sabihin ay sumikat – “Sikat, Pinoy”) ay patuloy na tumutuklas ng mga makabagong paraan upang maitaas ang antas ng kalidad sa paggawa ng mga ladrilyo.

Ang produktong ladrilyo ni G. Alkuino na tinawag niyang “SIDLAKAN Reinforced Fire Bricks” ay pinaghalong putik at abo ng sinunog na mga ipa. Ang mga nakaimbak na putik ay madaling matagpuan─ sa mga tabihan o gilid ng mga anyong tubig tulad ng ilog o mga kanal ng patubigan. Ang mga ipa naman ay ginagamit bilang panggatong sa pagluluto ng ladrilyo. Kalaunan, natuklasan na ang abong naiwan ng ipa ay mabisang panghalo sa putik. Nagsisilbi itong “silica” na nagpapakapit sa ladrilyong putik upang ito ay maging matibay.

(more…)

Katangi-tanging imbensyon, pinarangalan

Thursday, February 5th, 2015






Pinarangalan ng Technology Application and Promotion Institute ng Kagawaran Agham at Teknolohiya(DOST) ang mga katangi-tanging imbensyon sa bansa kamakailan noong National Invention Contest and Exhibit.

Nagwagi ang grupo mula pa sa Polangui, Albay ng Outstanding Invention o Tuklas Award. Ang grupo ay binubuo nina Arnulfo Malinios, Eleanor Balute, Estrella Calpe, at Herminigildo Lizano para sa kanilang Crop Processing Machine. Pumangalawa ang Rex Compost Tea Brewer (A Novel compost tea brewer) ni James Fos Reamon at sinundan ng mga mananaliksik ng Industrial Technology Development Institute (ITDI) ng DOST para sa kanilang Manufacturing Process ng Hard Carrageenan Capsules. Ang mga nagwagi sa kategoryang ito ay nag-uwi ng premyong salapi na nagkakahalaga sa PhP150, 000, 100,000 at 50,000 ayon sa pagkakasunod.

Samantala, ang Method of Making Engine Oil Additive Mixed with Plant Oils ni Johnny Sy ang nanguna sa kategorya ng Outstanding Utility Model. Pumangalawa ang Production of Medical Bandage from Mushroom Mycelium ni Claro Santiago Jr. at pumangatlo ang Mechanical Process of Producing Starch and Flour from Arrowroot Tubers ng grupo nina Arnulfo Malinis, Christopher Pacardo at Salvador Albia.

(more…)