Tambayan ng Kaalaman Tungkol sa Pilipinas
For the past years, the Institute of Plant Breeding (IPB) through funding support from the Bureau of Agricultural Research (BAR) has been conducting several varietal trials for organic vegetable production. The main purpose is to enable the Institute to recommend varieties of vegetables suited for organic farming.
What is organic vegetable production?
Continue reading “IPB recommends organic farming for vegetables”
FPRDI : tumutulong sa industriya ng water hyacinth
Water hyacinth – dati’y itinuturing na salot na halaman, ngayon nama’y paboritong materyales ng handicraft industry sa mga bayang nakapaligid sa Laguna de Bay. Ito ay dahil sa iba’t ibang grupong nagtulung-tulong na bumuo ng mga programang pangkabuhayan gamit ang tangkay ng water hyacinth.
Natatakpan ng water hyacinth (o mas kilala sa tawag na water lily) ang malaking bahagi ng Laguna de Bay. Napakakapal ng ugat nito kaya’t nagiging sanhi ng matitinding pagbaha, bumabara sa daraanan ng mga mangingisda at pumapatay sa mga isda. Matagal itong naging sakit ng ulo ng mga taong nakatira sa tabi ng lawa.Dahil sa pananaliksik, ginagamit na ngayon ang pinitpit at pinatuyong tangkay ng halamang ito sa paggawa ng magagandang bag, tsinelas, sumbrero, tray, lamp shade at lagayan ng bote ng alak. Isa ang Forest Products Research and Development Institute ng Department of Science and Technology (FPRDI-DOST) sa mga ahensyang tumutulong sa industriya ng water hyacinth. Continue reading “FPRDI : tumutulong sa industriya ng water hyacinth”
Criselda’s Food Products: Matagumpay na SME
Bago pa man makilala sa pangmalawakang merkado ang Criselda’s Food Products, nagsimula muna ito bilang isang kainan at catering service noong 1986. Gumagawa sila ng sariling tocino, longganisa, beef tapa at burger patty para lamang matugunan ang pangangailangan ng kanilang negosyo.
Continue reading “Criselda’s Food Products: Matagumpay na SME”
CBB ng FPRDI mula kawayan at mais
Isang uri ng cement-bonded board o CBB na maaaring makatulong sa problema ng pabahay sa bansa ang kasalukuyang pinag-aaralan ng Forest Products Research and Development In¬stitute ng Department of Science and Technology (FPRDI-DOST) .
Ito ay yari sa kinayas na kawayan at tangkay ng mais na hinaluan ng semento.
Ang CBB ay karaniwang gawa sa agro-forest waste materials tulad ng kinadkad na bunot, ipa, dayami at busil ng mais. Ito’y ginagamit bilang dingding, panloob na partisyon ng bahay, kabinet at kisame.
Kilala sa buong mundo ang CBB dahil bukod sa matibay ito laban sa anay at amag, hindi rin ito madaling masira ng apoy at tubig. Wala din itong kimikal tulad ng formaldehyde na karaniwang ginagamit na pandikit sa plywood kaya’t hindi ito nakasasama sa kalusugan ng tao at sa kapaligiran.
Kamakailan lamang ang FPRDI ay nakagawa ng CBB mula sa kawayan at tangkay ng mais. Ayon kay Dr. Dwight A. Eusebio, pinuno ng FPRDI Composite Products Section, katanggap-tanggap ang mga katangian ng bago nilang produkto. Pumasa ito sa pagsusuri ng static bending, nail head pull-through,at thickness swelling maging ang water absorption properties nito.
Tumutukoy ang static bending sa bigat na kayang dalhin ng CBB nang hindi ito masisira. Samantala, tinitingnan naman sa nail head pull-through test ang tibay ng isang CBB kapag hinugot ang isang pako mula dito. Mahalagang tingnan ang water absorption property kung gagamitin ang CBB na partisyon sa loob at la¬bas ng bahay. Sa thickness swelling test naman makikita kung mamamaga ang mga CBB kapag nababad sa tubig.
Dalawang uri ng kawayan na makikita sa buong Pilipinas ang ginamit nina Eusebio – ang bayog at kawayan tinik. Ang mga tangkay ng mais naman na karaniwang wala nang pakina¬bang sa mga magsasaka ay inihalo sa kinayas na kawayan.
Upang masubukan ang ginawa nilang CBB, bumuo sina Eusebio at isang building product manufacturer ng 24 na pirasong panel na may sukat na 2 X 8 piye para ikabit sa isang bahay sa Tandang Sora, Quezon City.
Para sa dagdag na impormasyon tungkol sa CBB, tumawag lamang sa (049) 536-2377, (049) 536-2586 o mag-email sa fprdi@dost. gov.ph. Ang FPRDI ay isang ahensiya sa ilalim ng Department of Science and Technology. Ito ay matatagpuan sa Narra Road, UPLB Forestry Campus, College Laguna.
Source: RapiDOST June 2010 by Paula Bianca Z. Ferrer S&T Media Service, FPRDI